[عادل الفدعاني]

السلام عليكم ورحمة الله وبركاته

اخواني الابطال اخواني الاعضاء

اليوم عندي سوال والبطل يجاوب امه يكون احد اسرار الابطال


سوالي اليوم


كيف معرفت طير السباق وكيف معرفت انه هذا الطير للانتاج مو للسباق

[ابو خالد العتيبي]

موفق بإذن الله ... لك مني أجمل تحية .

[a_yousef80]

التجربه خير دليل وبرهان

[محمد السحيب]

سلام عليكم اخي عادل مافي احد يقدر يقولك هاذا طير انتاج وهاذا طير سباق واذا احد قال هاذا الكلام فلابد ان يعلم انه دخل في علم الغيب والعياذ بالله ومع الاسف نشوف ناس يقولك انا اعرف طير التصليح ومسافة الطير اخوي هاذي اسمها ثرثرت هاوي او نقص في شخصية الهاوي نفسه والمراد تعويض النقص من خلال الثرثرة فاعلم اخي ان هاذي الاشيا لايعلم فيها الا رب العالمين وحده والبطل الحقيقي صاحب الشخصيه المتزنه راح يجيبك نفس الكلام المذكور انت تركب الحمام ومافي غير التجربة فقط والله الموفق

[جاسم الكليب]

سؤالك يا بو عبدالله صعب اما بخصوص طير السباق يمكنك معرفته من تناسق جسمه وقوه جناحه وشكله العام اما طير التفريخ يمكن الاستعانه بالسلاله اذا وجدت او فى نتائجه بالسباقات ولا تعتمدعلى الشكل كثير

تبي تعرف الحمام السباق في شكل الطير يبين اذا هوطير سباق ونفس طير التفريخ يبين شكله الخبره تعلمك طير السباق

[الرهيب]

السلام عليكم ورحمة الله وبركاته
سؤال طيب ... من شخص اطيب

أخوي عادل ... لو قدرنا نعرف الفرق .. كان كلنا صرنا أبطال !! هذا خلاصة الكلام !!

مع الاحترام لكل الاخوة الابطال .. وأصحاب الخبرة .. اذا كان هناك فعلا مميزات ومواصفات
لطير السباق وطير الانتاج .. كان الامر صار سهل .. وراح تشوفنا كلنا نملك حمام سباق أبطال
وحمام انتاج ... وكان لا شفتنا ذابحين أنفسنا .. دفع فلوس فى هالمزادات !!! .. لان الموضوع
المفروض راح يكون واضح ... أشترلك كم طير سباق ... وكم طير تفريخ .. وبعدها أبشر بالفوز
والسمعه الطيبه !!!.

يا أخ عادل ... صار لنا سنين .. نتكلم .. وبحت حناجرنا .. الزاجل بالتجربة والنتيجة .. والا الصور
والشكل كل يعرف يصور ويكتب.

مثال بسيط وواقعي .. ليش لما يصير مزاد على طير .. نقول نتائجة .. واذا ماله نتائج ذكرنا نتائج اهلة،
واذا مالهم نتائج .. جبنا نتائج اجداده .. واذا مالهم نتائج .. قلنا نتائج صاحبة !!!!؟ .. شو يهم اذا الطير فايز أو لا
اذا كان الطير من الشكل نقدر نعرف أن راح يكون طير تفريخ !!!!؟

خلنا ناخذ الموضوع علينا نحن البشر .. اذا عندي بنت وجاها زوج .. بس أن جسمة متين
ورقبته ماهي باينة من الصحة .. أو أنه طويل .. والا أنه عمي ما يشوف .. ولكن اذا جيته من ناحية الاخلاق
ونعم الرجال .. وش رايك ازوجة والا أقول عنه .. لا مهب زين .. جسمة فيه كذا .. وراسة فيه كذا !!!!؟؟؟.

الموضوع بكل بساطة ... ناس عايشة الواقع .. وناس عايشه الوهم.
ناس عايشة تقرا وتشوف صور .. وتحلم ... وناس عايشة الحقيقة .. وتطبق مبدأ البقاء للاقوي والافضل.

اسف على الاطاله
تقبل مروري

[جراح العلي]

شـكــ وبارك الله فيك ـــرا لك ... لك مني أجمل تحية .

[علي الميع]

اذا كان هناك فعلا مميزات ومواصفات
لطير السباق وطير الانتاج .. كان الامر صار سهل .. وراح تشوفنا كلنا نملك حمام سباق أبطال
وحمام انتاج ...

[بدر السنافي]

السلام عليكم ورحمة الله وبركاته
كلام الاخوة صحيح
وكلام الاخ الرهيب عين الصواب
والا كان زوجين تفريخ وزوجين مطيار وروح لبيتكم