[Fahad]

.................................................. ..

[هاوي قديم]

ما يمديني توني منزل لك رد في موضوع اسد ... ما شاء الله عليك تقرأ افكاري ... بعضهم فيهم خلط يا فهد والله اعلم ... واذا تبي زاجل ابيض خذ برق زوجين او ثلاثة وركبهم على بعض ورد عيال الجوز الاول على الثاني واعفسهم واخبص الورقة ... وان شاء الله بعد كم طبة بتشوف الزاجل الابيض ... للعلم بعد فترة بتشوف في انتاجهم لون غير الابيض تخلص منه وهناك طريقة سحب الالوان من حمام الزينة مثل لون الالموند والرد يوس والاندوليشين والاوبل وهناك الوان كثيرة وهذا فقط للزينة ... تقبل تحياتي

[الموج]

بسم الله الرحمن الرحيم

السلام عليكم ورحمة الله وبركاته

أخوي فهد أمبين على بعضهم خلط مثل ماقال هاوي قديم

[Fahad]

مشكورين بس شلون مبين شنو فيهم ؟

[اسد]

السلام عليكم: اخ فهد الحمام شكله حلو لكن الحمام الابيض ما يفوز دائمان نادر ما يفوز الاانت تحب اللون الابيض هذا شئ ثاني الله يوفقك.تحياتي

[هاوي قديم]

المشاركة الأصلية كتبت بواسطة Fahad

مشكورين بس شلون مبين شنو فيهم ؟

هذي يسمونها الخبرة طال عمرك ... فيه نقاط للزاجل الابيض :
1- تكون عينه سوداء
2- المنقار ابيض
3- الاضافر لونها ابيض
4- الطوق الي على العين ابيض
هذا الطير لا تفرط فيه واذا دخلت عليه قرزل بتشوف العين تصير سوداء بعض الاحيان واذا احمر تطلع عينه بيضاء لكن فيها نقط لونها احمر وركب ذكر ابيض على انثى برقاء بيعطونك لون ابيض ... تقبل تحياتي

القرزل

بسم الله الرحمن الرحيم

اخوي فهد هذا الحمام مثل ماتفضلو اخواني
وقالو حمام مبين عليه مدوخل يعني تلقه فيه
نسبه خفيفه من دم الزاجل
والحمام الابيض نادر تلقه يفوز مو مثل الازرق والشذري
تحياتي لك فهد وبصراحه خووش حمام اجسامهم طيبه
ومبين هم صحتهم طيبه
والله يهنيك بحلالك
تقبل مروري

[بن الذيب]

خير الكلام ما قل ودل ((* fahad *))
زاجل خلط **( مضرب )**
بس الصوره الخامسه تقريبا اشبه بالزاجل الاصلي

اخوك محمد بخيت

[علي الميع]

الى اخى فهد كل الردود من اخوانى سليمة لكن القديم هو اغرب للجديد
تحياتى لك والحمام اشكالة طيبة

[مبارك الختلان]

مثل مقالو الشباب الحمام مخلوط

بالتوفيق ان شاء الله...تقبل مروري