[خالدالغدير]

بسم الله الرحمن الرحيم

اخي / مصطفى لا مقارنه بالاسعار فقيمه حمام اللوات في الكويت اغلى بكثير من قيمه الزاجل

[مصطفى الشطري]

المشاركة الأصلية كتبت بواسطة خالدالغدير

بسم الله الرحمن الرحيم

اخي / مصطفى لا مقارنه بالاسعار فقيمه حمام اللوات في الكويت اغلى بكثير من قيمه الزاجل

مشكور اخي خالد على التوضيح

[سعد جوير]

المشاركة الأصلية كتبت بواسطة مصطفى الشطري

ماشاء لله فوق البيعه طبه و مبلغ اضافي

معلومه جديده

لا أخي مو طبة فوق البيعة ههههه
البائع نفسه يحجز من طبات الطير اللي اشتراه المشتري عرفت
يعني إعانة على المبلغ بشكل غير مباشر
تحياتي

[مصطفى الشطري]

المشاركة الأصلية كتبت بواسطة سعد جوير

لا أخي مو طبة فوق البيعة ههههه
البائع نفسه يحجز من طبات الطير اللي اشتراه المشتري عرفت
يعني إعانة على المبلغ بشكل غير مباشر
تحياتي

مسكور اخي سعد على التوضيح

نفس الحسبه هم راح يتعب

[ابو جعفر]

موفق بإذن الله ... لك مني أجمل تحية .

[q8loving]

مشكور اخوي بومحمد....في الكويت عندنا الكثير من الغرائب والاسعار الغير معقولة والكثير من الهوايات العجيبة....وكان عندي صديق من عائلة المويزري (رحمه الله) وقع في غرام العملات والطوابع القديمة وبذل الاموال الطائلة وتعب السفر من أجلها.....واتفق مع الشباب ان اللوت وصل سعره الى ارقام قياسية وموثقة الاخبار في الصحف الكويتية...لكن ايضا نما الى علمي بأنه تم عمل صفقات حمام زاجل هنا بأسعار خيالية ولم يعلن عنها...لكنها لا تصل بأي حال من الأحوال الى مستوى صفقات الحمام اللوت....والسبب في ذلك يرجع لوجود ناس أغنياء جدا وقعوا في غرام اللوت ولم يقعوا في غرام الزاجل....و«الغاوي ينقط بطاقيته»!!.. على قول الاخوة المصريين...وتقبلوا تحياتي وتقديري

[بدر زبن]

السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية .

[اشكناني]

شرح مبسط لاسباب غلو اسعار اللوت

هناك عرف دائم بالبيع وهو ( الخصم ) ويتراوح مابين 50 بالاميه لي 30 بالميه من سعر السومه
ووضع هذا الشرط للي يسدد خلال فتره زمنيه متفق عليها

يعني الطير ب 1000 اذا بتسدد خلال هالشهر كاش تطيح نص القيمه
فالمزاوده ترتكز على هالمبدأ

الي نفهمه ان ال 10 دنانير باللوت تعتبر 5 دنانير حقيقيه

واذا البيعه بالبرج او بيعه خارجه دائما الشاري يكون ناطر الطايح ( نفس فكرت الخصم ) او الاكراميه

ثانيا
95 % البيع بالاجل او دفعات
وغالبا موضوع الخصم ساري لي اخر الزمان :)( بس تكفه عطني فلوسي وفكني )

ثالثا
فرخ يبيعونه ب 1000 تشتريه ويقولك البايع
اذا مات او ضاع ( اعوضك بواحد ثاني )

رابعا
الطير الكبير الي تشتريه غالبا الاتفاق يكون مثل الي قاله اخوي سعد

الطير ب 5000
خصم خمسين بالاميه
صار 2500
احجز منه فرخين على نثيتك الممتازه ب 1000
صار 1500
وغير ان ييبله واسطه بعد

خامسا واهو الاهم

الدعم
يقولك فلان يدعم حمامه الي يبيعه
يعني تشتري الطير مني ب 2000
اذا بيوم من الايام تبي تبيعه وتنزله مزاد
انا اساوم عليه وافتح بابه ب 1000 مثلا
واذا نزلت عياله هم افتح بيبانهم على 150 مثلا

يعني ما راح تخسر فيه وانا واقف للطير ما يروح بسعر زهيد

هذا وغير البيعات الي سعر الدفع الحقيقي ب 500 والاعلان ب 3000
طبعا هالشيء عشان يقدر يبيع العيال علا 200 لان الاب ب 3000 :)

وعدد هواة اللوت بالآلاف فتحصل الزبون

[اشكناني]

وجواب على سؤال اخوي كاتب الموضوع

نعم اللوت اغلى من الزاجل

لكثر عدد الهواه

وكثر التجار فيه وطير الخانه

ومعنى طير الخانه ان

طير ممتاز جدا جدا

سعر بيع ولده المعلن ب 2000 ( مو طاير )
الشاري يحطه بالخانه ويتنجه
ويبيع عياله على 500 ( موطاير )
والشاري يحطه بخانه ويبيع عياله على 50
والي يشتريه ب 50 اهو الي يطيره من اجداد مجرد نسل او الجد الثالث اهو الممتاز

والشخص الي ماله شغل بالسوق اهو المستمتع فعلا

وفي ناس مثل اهل الزاجل
يقول انا اشتري عالمطيار ( يعني يشتري طير بجناحه ممتاز )

والحديث يطول :)

[مصطفى الشطري]

كل الشكر والامتنان للاخ العزيز ابو حمود والاخ الكريم اشكناني على الشرح الممل والمفيد الذي عرفني كثير بطبيعه الحال عند اهل اللوت في دوله الكويت الشقيقه