زاجل + قلابي

[محمد الكندري]

السلام عليكم
الي ودنا نعرف ونبي من الأخوان يعطون رايهم والأسباب الا وهي ....
تعتبر هواية تربية حمام الزاجل شي عالمي وموجود بكل بلدان العالم واقدم حمام تربت وطارة والسؤال الي نبي نطرحه
عندنا بالكويت هذي الهوايه شبه منسيه وشبه معدومه لما نقارنها مع مربين الحمام القلابي مع انا حمام القلابي محصور علي الكويت بالأخص وناس معدوده ببعض دول الخليج ونشوف الأهتمام اكثر بالقلابي ؟
واهل ممكن للي يربي ويطير حمام قلابي انه يمارس تطير الحمام زاجل بنفس الوكت ؟ ولا علي قولتهم (( راعي البالين جذاب ))
وشاكر لكم ونبي نسمع راي الجميع لو ممكن

[عتيج_المسيان]

وعليكم السلام ورحمة الله وبركاته

حياك الله اخوي محمد الكندري .. وسؤالك جميل

هواية الزاجل ولله الحمد ماهي معدومه ولا منسيه .. بالعكس الوضع الحالي افضل من الماضي

ودائما يكون هناك تطوير من الهواة نفسهم وهم الذين يطورون وينشرون الهوايه .. وفي فرق كبير بين الموسم الماضي والآن.

والحمدلله كل موسم يزيد عدد الهواة بشكل ملحوظ.

اما هواة اللوت هذا صحيح انهم اكثر منه بكثير ولهم شعبيه وجمهور اكثر.

تربيه اللوت والزاجل في وقت واحد هذا مايمنع ولا فيها صاحب بالين .. اذا عندك امكانيه انك تسيطر على الأثنين وتهتم بالهوايتين , من رأيي ان مافيها شي , لأن اللوت له وقت مطيار والزاجل له وقته , وحتى وقت التفريخ يختلف.

[ahmad saad]

السلام عليكم ورحمة الله وبركاته
بالنسبه للحمام اللوت هوايه قديمه بالكويت ولها جمهورها واول مانعرف الحمام بالكويت
هو الحمام القلابى وشعبيته كبيره جدا اما بالنسبه للزاجل صحيح مشهور عالميا ولكن عندنا
عدد الهواه قليل جدا مقارنه باهل اللوت يعنى ابراج الحمام بالعبدليه وكبد فقط اكثر من هواه الزاجل 7 مرات
فما بالك بباقى المناطق وشعبيه اللوت كبيره لكثره اعداد الهواه اما اذا كنت تجمع هوايه الزاجل مع القلابى
بمكان واحد ممكن ولكن يبيلها اهتمام وتعب اكثر خصوصا الحمام القلابى
شـكــ وبارك الله فيك ـــرا لك ... لك مني أجمل تحية .

[صالح المشوط]

بسم الله الرحمن الرحيم

لاتعليق الزاجل ملك الحمام

موفق بإذن الله ... لك مني أجمل تحية .

[جابر النمر]

السلام عليكم ورحمة الله وبركاته
هواية الحمام الزاجل اول ماهي معدومه ولا منسيه

لي انه مشهوره في العالم وهي حتى في سنة 1872

كانو متسابقين وكانو يفرخون ويركبون الحمام الطيب والجميل

وهواية الحمام الزاجل في الكويت موجوده

ولك مني اجمل تحيه

[بدر السنافي]

السلام عليكم ورحمة الله وبركاته
بالتوفيق للمشاركين بالنقطه
شـكــ وبارك الله فيك ـــرا لك ... لك مني أجمل تحية .

[محمد الكندري]

اشكر الجميع علي ردودهم المميزه

[سعد العبهول]

بسم الله الرحمن الرحيم
السلام عليكم ورحمة الله وبركاته

أنصح الذي يجمع الهوايتين ان يكون المكان مختلف

ممكن اللوت في البر والزاجل في البيت

ولكن ترى ما عندي فكرة عن اللوت واظن ان من الصعب جدا الجمع بينهما

لما فيه من التعب وبذل الجهد والمال وهو لا شك يؤثر على الأهل والأولاد

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .